Uumasut ingerlaartarfiinik nunap assingi atorlugit nalunaarsuisarneq uumasut qanoq suullu peqqutigalugit ingerlaartarnerannik paasinninnissamut, aammalu sumiiffiit toqqissisimallutik uumanissaannut pingaarutillit ilisimanissaannut taamalu aamma sunik ulorianartorsiuteqartarnerannik paasinninnissamut pingaarutillit ilisimanissaannut sakkussaapput pingaarutillit. Nittartakkami uani niki.gl-imi uumasoqatigiiaat assigiinngitsut ikittuinnaat pillugit allaaserisaqarpoq, isumaavorlu allaaserisat ilaartorneqarjoornissaat.
Issittuni uumasut nuttartarnerannik misissuisarnerit peqqissaarnarluinnarsinnaasarput, suliffeqarfiit soqutigisaqaqatigiiffiillu assigiinngitsut suleqatigiinnerisigut ingerlanneqartarlutik. niki.gl-imi anguniakkat ilagaat Kalaallit Nunanni eqqaanilu malinnaaffiginnilluni misissuinerit pillugit ataatsimoorussamik pisunillu malinnaaffiginnittumik alakkarteriffigisassamik periarfissaqarnissaa. `Malinnaaffiginnilluni misissuinerit´ ataani uumasoqatigiit imaluunniit uumasut aalajangersimasut illit soqutigisavit misissuiffigineqarnerinut tunngassutillit paasissutissat pissarsiarisinnaavatit.
